სამოდელო გაკვეთილები

             

              გაკვეთილის გეგმა ბუნებაში  #1  (2012-2013სასწ.წ)

გაკვეთილის მთავარი თემა	სახიფათო ნივთები
სწავლების საფეხური	დაწყებითი- პირველი კლასი
მოსწავლეთა პროფილი	კლასში არის 18 მოსწავლე. სსმ  მოსწავლე არ მყავს.
გაკვეთილის მნიშვნელობა ,აქტუალურობა	გაკვეთილი მნიშვნელოვანია იმ მხრივ, რომ ბავშვები  ისწავლიან  საფრთხის  თავიდან  აცილების  მიზნით  როგორ უნდა დაიცვან უსაფრთხოების წესები, ამ ნივთებთან მიმართებაში.
გაკვეთილის მიზნები და შედეგები	მიზნები: 1.მოსწავლემ შეძლოს სახიფათო და არასახიფათო ნივთების ერთმანეთისაგან გარჩევა. 2.მოსწავლემ  შეისწავლოს ამ ნივთების სწორად მოხმარების წესები. მოსწავლეებს გამოუმუშავდებათ   ჯგუფში მუშაობის  უნარ-ჩვევები. შედეგები: 1.მოსწავლეს შეუძლია უსაფრთხო ქცევის ელემენტარული წესების დაცვა.
წინასწარი ცოდნა	მოსწავლეები  იცნობენ ზოგიერთ საყოფაცხოვრებო  ნივთებს, რომლებიც ზოგჯერ სახიფათო შეიძლება აღმოჩნდეს.
შეფასების საგანი და პროცედურები	შეფასების რუბრიკა.   შეფასების პროცედურები: გონებრივი იერიში, კითხვა-პასუხი, დაკვირვება.
სასწავლო მასალა და ტექნიკური  რესურსები	სახელმძღვანელო, დაფა, ცარცი, მაკრატელი, დანა  კოვზი. ელექტრონული რესურსი: სლაიდშოუ.
გაკვეთილის მსვლელობა, მენეჯმენტი	გაკვეთილის ორგანიზების ფორმა:ინდივიდუალური და ჯგუფური.                           გაკვეთილის მიმდინარეობა      გაკვეთილს ვიწყებ გონებრივი იერიშით ვაჩვენებ ბავშვებს მაკრატელს, ვთხოვ მითხრან რა იციან მათ ამ ნივთის შესახებ. სავარაუდოდ ბავშვები იტყვიან : ვიყენებთ ოჯახში, მზადდება ლითონისაგან,  აქვს მახვილი წვეროები, შეიძლება ხელი გაგვიჭრას. შემდეგ ვაჩვენებ დანას ,დაახლოებით  იგივე პასუხები  იქნება  დანაზეც. ამის შემდეგ ბავშვებს ვაჩვენებ  კოვზს. ვთხოვ  მითხრან რა იციან ამ ნივთის შესახებ.  ალბათ მიპასუხებენ, რომ ვიყენებთ ჭამის დროს, მზადდება სხვადასხვა ლითონებისაგან და ხისგანაც, არსებობს სადილის, ჩაის,  დესერტის კოვზი  საწვნე კოვზი და ასე შემდეგ. შემდეგ ბავშვებს ვეკითხები კოვზით მიგიღიათ თუ არა რაიმე დაზიანება სხეულზე?  ალბათ მიპასუხებენ რომ არა. აქედან გამომდინარე ვაკეთებთ დასკვნას ,რომ ის სახიფათო ნივთი არ არის. ყველა დასახელებულ ნივთზე ამავე დროს ვადგენთ ასოციაციურ რუკას დაფაზე. განვმარტავ როგორი ნივთი ითვლება სახიფათო  ნივთად-ანუ ეს არის ნივთები რომლებმაც შეიძლება საფრთხე შეუქმნან ადამიანის ჯანმრთელობას.    ერთი შეხედვით  სრულიად უსაფრთხო და ჩვენთვის საყვარელი ნივთი შეიძლება სახიფათო აღმოჩნდეს. მაგალითად ტელევიზორი, ან უთო. ვესაუბრები ელექტრო ტექნიკის შესახებ და მათი სწორად გამოყენების შესახებ. რომ უთო არ უნდა დაგვრჩეს ჩართული შეიძლება ეს ხანძრის მიზეზი აღმოჩნდეს,   რომ არ შეიძლება ჩართულ ტელევიზორს წყალი გადავასხათ ,  ან არ დაგვრჩეს ჩართული სახლიდან გასვლის წინ, რადგან შეიძლება გადახურდეს და ცეცხლი მოედოს.  ( 10 წთ)    ბავშვებს   დამოუკიდებლად ვაძლევ სავარჯიშოს სახელმძღვანელოში, სადაც დააკვირდებიან დახატულ ნივთებს და რომელსაც სახიფათოდ ჩათვლიან წითელი ფერის წრეს შემოავლებენ. ყველა ბავშვი იმსჯელებს რატომ ფიქრობენ ისინი ასე..(4 წთ)     ბავშვებს ვყოფ ჯგუფებად, ვავალებ თითოეულ ჯგუფს  მოიფიქრონ რაც შეიძლება მეტი სახიფათო ნივთი. შემდეგ თითოელი ჯგუფი გააკეთებს პრეზენტაციას.( 5 წთ)            წუთშესვენება სულ არის 4 ჯგუფი. თითოეულ ჯგუფს ვეუბნები ნივთის სახელს  ,მათ ევალებათ პატარა ამბის შეთხზვა  ამ ამ ნივთზე სადაც მისგან გამოწვეულ  ხიფათზე იქნება საუბარი. ეს ნივთები შეიძლება იყოს: ჩანგალი, დანა, უთო, ხერხი........  (7 წთ)        ვრთავთ ბუკებს,  გამზადებული მაქვს სლაიდშოუ  სახიფათო ნივთებზე, გავუზიარებ ბავშვებს ეკრანს და ვაჩვენებ. ვიმსჯელებთ  ამ ნივთების შესახებ.( 5 წთ)   კიდევ ერთხელ ჩამოვაყალიბებთ იმ უსართხო ქცევის წესებს ,რაც უნდა დავიცვათ ამ ნივთების მოხმარების დროს. ვაფასებ სიტყვიერი კომენტარებით ჯგუფების მუშაობას და ინდივიდუალურად წავახალისებ ყველას ვინც აქტიურობდა გაკვეთილის პროცესში.(3წთ)

            გაკვეთილის თვითშეფასება

·       გაკვეთილი ჩავატარე გეგმის მიხედვით.

·       ყველა აქტივობაზე ვიცავდი დროის ლიმიტს.

·       შევძელი ელექტრონული რესურსების გამოყენება.

·       გამოყენებულმა სტრატეგიებმა გამოიწვია მოსწავლეთა ჩართულობა და დაინტერესება.

·       გაკვეთილის ბოლოს პირველკლასელმა მოსწავლეებმა მიაღწიეს მოსალოდნელ შედეგებს.

·       აქედან გამომდინარე , ვთვლი რომ მიზანს მივაღწიე.



                     შეფასების რუბრიკა

შეფასების კრიტერიუმი	კარგად     +	საშუალოდ     V	უჭირს -
მსჯელობს, აყალიბებს მოსაზრებას
მუშაობს ჯგუფში
მუშაობს ბუკთან

                                   

დააჭირეთ და იხილეთ ფოტო-მასალა

გაკვეთილის აქტივობების ფოტოები

                      გაკვეთილის გეგმა ბუნებაში  #2(2012-2013სასწ.წ)

გაკვეთილის მთავარი თემა	შემოდგომა
სწავლების საფეხური	დაწყებითი      -პირველი კლასი
მოსწავლეთა პროფილი	კლასში არის 18 მოსწავლე. სსმ მოსწავლე არ მყავს.
გაკვეთილის მნიშვნელობა-აქტუალობა	გაკვეთილი  მნიშვნელოვანია იმ მხრივ ,რომ მოსწავლეები საკუთარი დაკვირვების საფუძველზე შეძლებენ დასკვნების გაკეთებას,შეეჩვევიან ბუნებრივი და ელექტრონული რესურსების მოხმარებას სასწავლო პროცესში.
გაკვეთილის მიზნები და შედეგები	მიზნები: 1.მოსწავლის მიერ ბუნებაში შემოდგომისათვის დამახასიათებელი ცვლილების დანახვა და გაცნობიერება. 2.მოსწავლემ შეძლოს ცოცხალი და არაცოცხალი ობიექტების ერთმანეთისაგან გარჩევა. 3. მოსწავლეებმა შეძლონ თავიანთი აზრებისა და შთაბეჭდილებების გადმოცემა. 4.მოსწავლეებმა შეძლონ ინტერნეტ-რესურსების მოხმარება.      შედეგები: ბუნ.1.1.მოსწავლეს შეუძლია აღწეროს სხეულებს, მოვლენებს შორის მსგავსება და განსხვავება არსებითი ნიშნების მიხედვით     ადარებს და აჯგუფებს სხეულებს ერთი ან ორი ნიშნით საკლასო ოთახში, ბუნებაში , ილუსტრაციებზე. ის ტექნ.1.1მოსწავლე ფლობს ინფორმაციულ- საკომუნიკაციო ტექნოლოგიებთან დაკავშირებულ ძირითად ცნებებს და ოპერაციებს. ის ტექნ.1.4.მოსწავლეს შეუძლია კომუნიკაციის ტექნოლოგიური საშუალებების გამოყენება.
წინასწარი ცოდნა	მოსწავლეებს აქვთ სეზონურ ცვლილებებთან დაკავშირებით  გარკვეული ცოდნა .  გააჩნიათ საკუთარი აზრის ჩამოყალიბების უნარი.
შეფასების საგანი და პროცედურები	შეფასების რუბრიკა. შეფასების პროცედურები: კითხვა-პასუხი, გონებრივი იერიში,  დაკვირვება.
სასწავლო მასალა და ტექნიკური რესურსები	სახელმძღვანელო, დაფა ,ცარცი, ფოთლები, ქვები, კენჭები, ბუკები.
გაკვეთილის მსვლელობა/ საკლასო მენეჯმენტი	გაკვეთილის ორგანიზების ფორმა:ინდივიდუალური  და  წყვილური.          გაკვეთილის მიმდინარეობა  .  პროვოცირების მიზნით მაგნიტური დაფა დაფარული მაქვს სხვადასხვა ფერის ~ფოთლებით.ბავშვებს ვთხოვ  იქნებ ამოიცნონ რა თემაზე გვექნება დღეს ჩვენ საუბარი.ბავშვები ალბათ მიპასუხებენ,  რომ შემოდგომის თემაზე.   ვეკითხები- როგორ მიხვდნენ ამას. დაფაზე გამოფენილი ფოთლებით, იქნება სავარაუდო პასუხი.  შემდეგ ვეკითხები- კიდევ რა სეზონურ ცვლილებებს ამჩნევენ გარემოში.  ალბათ შემჩნეული ექნებათ ,რომ უკვე აცივდა,ხშირად  ვიცვამთ  თბილ ტანსაცმელს. მიმდინარეობს საშემოდგომო სამუშაოები, მაგალითად რთველი.  შემდეგ ბავშვებს ვეკითხები- ხომ ვერ მეტყვით ახლა რომელი თვეა?  თვის დასახელების შემდეგ კიდევ ვასახელებთ დარჩენილ 2 თვეს .ბავშვებს ვთხოვ  ისევ ჩამოთვალონ ყველა ცვლილება რაც შეამჩნიეს და შემოდგომის თვეები.(5წთ)     ვაგრძელებ საუბარს და ვეუბნები,  რომ ეს ცვლილებები უფრო ცოცხალ ბუნებას ეტყობა ,არაცოცხალს კი არა.  შემდეგ ვაჩვენებ ბავშვებს ქოთნის მცენარეს , ქვას და კენჭებს.იქნებ მითხრათ რომელია აქ ცოცხალი და რომელი არაცოცხალი- მივმართავ ბავშვებს.  ბავშვები გამოთქვამენ მოსაზრებებს  ,თან დაასაბუთებენ  მას. ჩამოვაყალიბებთ ცოცხლის ყველა თვისებას ,რითაც ის განსხვავდება არაცოცხალისაგან. ეს თვისებებია:  ცოცხალი იბადება, იზრდება, ვითარდება,სუნთქავს, იკვებება........ბოლოს კვდება(5წთ)       ვურიგებ ბავშვებს ფოთლებს ,უნდა დააკვირდნენ კარგად და იპოვონ 2 ერთნაირი ფოთოლი. რასაც ვერ შეძლებენ.  ვაკეთებთ დასკვნას, რომ ბუნებაში ყველაფერი ერთადერთი  და განუმეორებელია.   გადავდივარ ახალ აქტივობაზე,  ვთხოვ დააჯგუფონ ფოთლები 2 ჯგუფად.სავარაუდოდ დააჯგუფებენ  ფერის მიხედვით  და   ფორმის მიხედვით. (5წთ)                                წუთშესვენება.    წუთშესვენების შემდეგ ბავშვებს ვთხოვ  გახსნან ბუკები. მე მათ  გავუზიარებ ეკრანს. ვაჩვენებ ეკრანზე  სხვადასხვა საინტერესო სურათებს, მათ უნდა ამოიცნონ ,რომელია აქ  ცოცხალი ობიექტები და რომელია  არაცოცხალი ობიექტები. უნდა იმსჯელონ ამის შესახებ და ჩამოაყალიბონ მოსაზრებები. ეს აქტივობა სრულდება წყვილებში.   შემდეგ ეკრანზე ვაჩვენებ წლის სხვადასხვა სეზონების პეიზაჟებს. მათ უნდა ამოიცნონ წელიწადის რომელი დროა ამ სურათებზე ,რა აძლევთ მათ გადაწყვეტილების მიღების საფუძველს. ასევე ვაჩვენებ სხვადასხვა ფერის ფოთლებს მათ უნდა დაასახელონ ფერები და დააჯგუფონ ფერების მიხედვით შემოდგომის და ზაფხულის ფოთლები.   ასრულებენ  წყვილში. (13წთ)     ვეკითხები ბავშვებს როგორ მოეწონათ მათ დღევანდელი გაკვეთილი ,რა დაამახსოვრდათ განსაკუთრებით.(2 წთ)     ვაფასებ ბავშვებს შეფასების  რუბრიკის მიხედვით  ,რომელსაც წინასწარ ეცნობიან.(3 წთ)   ვაძლევ საშინაო დავალებას,  მათ  უნდა გააგრძელონ დაკვირვება სეზონურ ცვლილებებზე და გადაიღონ სურათები ბუკებით ,ყველა იმ ცვლილების ,რასაც შენიშნავენ ბუნებაში.(2წთ)

გაკვეთილის     თვითშეფასება

·       გაკვეთილზე გამოყენებულმა სტრატეგიებმა გამოიწვია მოსწავლეთა დაინტერესაბა და ჩართულობა.

·       რეფლექსიის ფაზაზე გამოვიყენე  შემაჯამებელი კითხვები ,საიდანაც გამოვლინდა რომ  პირველკლასელმა მოსწავლეებმა მიაღწიეს ამ გაკვეთილისათვის მოსალოდნელ შედეგებს.

·       ეს გაკვეთილი ხელახლა  რომ ჩამეტარებინა  აღარ შევთავაზებდი ბავშვებს   ფოთლების დაჯგუფებას 3 ნიშნით , რადგან გაუჭირდათ, მხოლოდ ერთმა ჯგუფმა შეძლო .დანარჩენებში გამოიწვია  ფლუსტრაცია.( თუმცა მოსალოდნელ შედეგებში 3 ნიშნით დაჯგუფება არ მქონდა გათვალისწინებული.)



ელექტრონული რესურსები გაკვეთილზე:
დააწკაპეთ სურათზე და იხილეთ.....

შემოდგომის ფოთლები

ცოცხალი და არაცოვხალი  ბუნება გაკვეთილის აქტივობების ფოტოები. დააწკაპეთ სურათზე და იხილეთ.

გაკვეთილის ფოტომასალა                                                           გაკვეთილის გეგმა   ბუნებაში  #3  (2012-2013სასწ.წ) გაკვეთილის მთავარი თემა წყლის ბინადრები სწავლების საფეხური დაწყებითი საფეხური. პირველი კლასი მოსწავლეთა პროფილი კლასში არის 18 მოსწავლე სსმ მოსწავლე არ მყავს . გაკვეთილის მნიშვნელობა-აქტუალობა გაკვეთილი მნიშვნელოვანია იმ მხრივ,  რომ მოსწავლეები გაეცნობიან წყალში მცხოვრებ  ორგანიზმებს, მათ მრავალფეროვნებას, დაკვირვების საფუძველზე შეძლებენ დასკვნების გამოტანას. გაკვეთილის მიზნები და შედეგები მიზნები: ·         დაკვირვების უნარის განვითარება ·         წყლის ბინადრების ამოცნობა და დასახელება. ·          წყლის ბინადრების მოკლედ დახასიათება. ·         პრეზენტაციით ინფორმაციის მიღება  და ტესტის გადაგზავნა  შეძლონ ბუკის გამოყენებით.   შედეგები:   ·         მოსწავლეს შეუძლია  აღწეროს ორგანიზმები გარეგნული ნიშან- თვისების მიხედვით. ·         ის ტექნ.1.1მოსწავლე ფლობს ინფორმაციულ- საკომუნიკაციო ტექნოლოგიებთან დაკავშირებულ ძირითად ცნებებს და ოპერაციებს. ·         ის ტექნ.1.4.მოსწავლეს შეუძლია კომუნიკაციის ტექნოლოგიური საშუალებების გამოყენება. წინასწარი ცოდნა  მოსწავლეები იცნობენ ზოგიერთ წყლის ბინადარს,  მაგალითად თევზს.შეუძლიათ მისი დახასიათება. შეფასების საგანი და პროცედურები შეფასების რუბრიკა. შეფასების პროცედურები: კითხვა-პასუხი, გონებრივი იერიში,  დაკვირვება. სასწავლო მასალა და ტექნიკური რესურსები სახელმძღვანელო,დაფა, ცარცი,ბუკები.წებო, მაკრატელი. გაკვეთილის მსვლელობა/ საკლასო მენეჯმენტი                გაკვეთილის მსვლელობა  გაკვეთილს ვიწყებ გაკვეთილის თემის გაცნობით.ვწერ დაფაზე თემის სათაურს და ბავშვებს ვთხოვ რა შეუძლიათ მითხრან წყლის ბინადრებზე. ვადგენთ ასოციაციურ რუკას. (3 წთ) შემდეგ ვსვავ კითხვებს: 1)      თქვენი აზრით რით იკვებებიან თევზები? 2)      რით იკვებებიან დელფინები? 3)      რით სუნთქავენ წყალში ცხოველები? ყველა კითხვაზე  მათ არ ექნებათ სწორი პასუხი. სამაგიეროდ დაინტერესდებიან გაიგონ სწორი პასუხი კითხვებზე. ამიტომ  ვაძლევ მოკლე ინფორმაციას წყლის ორგანიზმებზე.     წყალში უამრავი ცხოველი ცხოვრობს. ისინი ერთმანეთისაგან განსხვავდებიან ზომით, ფორმით, საარსებო გარემოთი.  თევზები გარედან დაფარულები არიან ქერცლებით. რაც მათ ხელს ცურვაში უწყობს.მათ სხეულის ფორმაც ეხმარებათ ცურვაში.ასევე გააჩნიათ მარჯვენა და არცხენა ფარფლები,რითაც თევზს შეუძლია შემობრუნება მარჯვნივ,ან მარცხნივ. წყალში ცხოვრობს ასევე დელფინი. ის ძალიან გონიერი ცხოველია. შვილებს ცოცხლად შობს და ძუძუს აწოვებს. თევზები კი ქვირითით მრავლდებიან. ყოფილა შემთხვევები როდესაც დელფინები ეხმარებიან გაჭირვებაში ჩავარდნილ ადამიანებს. ისინი საკმაოდ კარგად იწვრთვნებიან. წყლის ბინადარია ვეშაპი, რომელიც ყველაზე დიდი ცხოველია დედამიწაზე, ის სპილოზე გაცილებით დიდია. ვეშაპიც ცოცხლად შობს შვილებს და ძუძუს აწოვებს. წყალში ცხოვრობს ძალიან უცნაური ცხოველი-მედუზა, რომელიც ფორმით გაშლილ ქოლგას გავს. ზოგიერთი მედუზა შხამიანია. მისი სხეული წყლითაა სავსე. საინტერესო ცხოველია ასევე მოლუსკი. მას ძალიან რბილი სხეული აქვს, რომელიც ნიჟარაშია მოთავსებული. ზოგიერთ მოლუსკს ადამიანი საკვებადაც იყენებს. ნიჟარა მათ იცავს დაზიანებისაგან. წყალში მცხოვრები ყველა ცხოველი სუნთქავს ჟანგბადით. ზოგი იკვებება წყალმცენარეებით, ზოგი კი წვრილი ცხოველებით. ზღვებსა და ოკეანეებში კიდევ უამრავი ცხოველი ცხოვრობს, როგორიცაა:ზღვის კატა, ზღვის ძაღლლი,  ზღვის ძროხა,ზვის ვარსკვლავი და ა.შ.(7 წთ) ამის შემდეგ ბავშვებს ვთხოვ ჩართონ ბუკები. მე მათ გადავუგზავნი წინასწარ  გამზადებულ პრეზენტაციას  წყლის ბინადრებზე. ბავშვებს ვთხოვ კარგად დააკვირდნენ თითოეულ ცხოველს დაიმახსოვრონ მათი გარეგნული ნიშნები, რადგან მათ კიდევ ელოდებათ ტესტი, სადაც უნდა ამოიცნონ ეს ცხოველები. ( 3 წთ) წუთშესვენება (2 წთ) ბავშვებს ვთხოვ მოემზადონ ტესტირებისთვის. ვახდენ გამზადებული ტესტის გადაგზავნას, რომელიც 10 წუთი გრძელდება. ბავშვები მაშინვე ეცნობიან ტესტის შედეგებს.(10 წთ) ვიწყებთ მუშაობას სახელმძღვანელოში გამოსაჭრელ მასალაზე. ბავშვები ჭრიან თევზის სხვადასხვა  ნაწილებს, აწებებენ და იღებენ თევზს დასრულებული სახით.  შემდეგ საუბრობენ სხეულის აგებულების თავისებურებებზე. ხდება ნამუშევრების წარმოდგენა.(7წთ) გაკვეთილის შეჯამება კითხვებით: 1)      ვინ ჩამოთვლის  წყლის ბინადრებს? 2)      რომელი იყო თქვენთვის ყველაზე საინტერესო ცხოველი? 3)      რით განსხვავდებიან ისინი ერთმანეთისაგან?(2 წთ) შეფასება (1წთ)                 შეფასების რუბრიკა შეფასების კრიტერიუმები მაღალი + საშუალო V დაბალი - ამოიცნობს ცხოველს საუბრობს ცხოველზე გარეგნული ნიშან- თვისების მიხედვით მუშაობს კომპიუტერთან,აკეთებს ტესტს, ნახულობს პრეზენტაციას. მასწავლებლის თვითშეფასების რუბრიკა სკოლა: სართიჭალის #2 საჯარო სკოლა მასწავლებლის სახელი, გვარი:  ნინო ციცვიძე კლასი, საგანი: I კლასი, ბუნება გაკვეთილის თემა: „წყლის ბინადრები“ რამდენად მიაღწიეს მოსწავლეებმა გეგმით განსაზღვრულ შედეგს: გაკვეთილზე გამოყენებული სტრატეგიების ეფექტურობა: რამდენად მივაღწიეთ მოსწავლეთა ჩართულობასა და აქტიურობას: რომელი უნარების გასავითარებლად დაგვჭირდა უფრო მეტი მუშაობა? ჯგუფური მუშაობა, ერთმანეთის აზრის გათვალისწინება რაში დამეხმარა თუ პირიქით ხელი შემიშალა გაკვეთილზე „ბუკის“ გამოყენება? ინფორმაციის ვიზუალურად აღქმაში ,   მიღებული ცოდნის სწრაფად შემოწმებაში. შეიცვალა თუ არა გაკვეთილის სამოქმედო გეგმა.თუ შეიცვალა, რატომ? არა ამავე გაკვეთილის ხელახლა ჩატარების დროს რას შევცვლი? ვიმოქედებდი იგივე გეგმით. ტესტი( ბუკით გადაგზავნილი გაკვეთილზე) კლასი: I საგანი: ბუნება გაკვეთილის თემა: „წყლის ბინადრები“ მაქსიმალური ქულა: 10 დრო: 10 წუთი 1.      წყლის ბინადრებს მიეკუთვნენა: ·         კატა ·         ლოკოკინა ·         წყლის ძროხა ·         ცხენი 2.      თევზს სუნთქვისათვის სჭირდება ლაყუჩები:                          3.      სურათზე გამოსახულია: ·         თევზი ·         ზვიგენი ·         ვეშაპი ·         დელფინი 4.      თევზები მრავლდებიან კვირითით: მართალია მცდარია                          5.      ზოგიერთი მოლუსკი საკვებად გამოიყენაბა მართალია მცდარია

გაკვეტილის ფოტომასალა, დააწკაპეთ სურათზე და იხილეთ:

გაკვეთილის ფოტომასალა გაკვეთილის გეგმა #4 (გაკვეთილი ჩავატარე შებრუნებული საკლასო ოთახის მეთოდით)  2014-2015სასწ.წ. გაკვეთილის  თემა „ჭორიკანა კაჭკაჭი“-ჭაბუა ამირეჯიბი. სწავლების საფეხური მე-3 კლასი მოსწავლეთა პროფილი სსსმ  მოსწავლე არ მყავს. გაკვეთილის მიზნები და შედეგები მოსწავლე შეძლებს: ·         ვარაუდების გამოთქმას. ·         დაახასიათოს პერსონაჟები; ·         იმსჯელებენ პერსონაჟების ზნეობრივი საქციელის შესახებ და გამოხატავენ საკუთარ ემოციებს, შთაბეჭდილებებს. ·         გამოიტანოს სათანადო დასკვნები; ·         მიწეროს წერილი რომელიმე  პერსონაჟს;    განუვითარდებათ:   გაგება-გააზრების, ლოგიკური  აზროვნების  უნარ-ჩვევები. ესგ სტანდარტი: ქართ. II. 2. მოსწავლეს შეუძლია მოისმინოს და გაიგოს  ნაცნობ თემატიკაზე შექმნილი მცირე ზომის სხვადასხვა სახის ტექსტები და გამოხატოს თავისი დამოკიდებულება. ქართ.II.9.მოსწავლეს შეუძლია კითხვის მარტივი სტრატეგიების გამოყენება. ქართ.II.11. მოსწავლეს შეუძლია მცირე მოცულობის ტექსტების დამოუკიდებლად შედგენა ნაცნობი ლექსიკის გამოყენებით. წინასწარი ცოდნა მოსწავლე ამოიცნობს ნაცნობ სიტყვებს; ხმამაღლა გაბმულად კითხულობს მარტივი წინადადებებით შედგენილ მცირე  ზომის  ტექსტებს, შეუძლია შეადგინოს და დაწეროს მარტივი წინადადებები. შეუძლია კომპიუტერის ჩართვა- გამორთვა,  touch-pad-ს, კლავიატურის გამოყენება; საპრეზენტაციო ფორმატის ფაილში მარტივად მუშაობა (სლაიდშოუს რეჟიმის მართვა). შეფასების საგანი და პროცედურები მასწავლებელი ახდენს მოსწავლეთა განმავითარებელ შეფასებას დაკვირვების საფუძველზე, თუ: ·         როგორ შეავსეს მოასწავლეებმა დაკარგული სიტყვები(რამდენად  დაასაბუთეს  სიტყვის ჩასმა კონტექსტში) ·        რამდენად   ავლენენ  მაღალ სააზროვნო უნარებს. ·        როგორ მუშაობენ „ცნების რუკებზე“(წარმოადგინეს პერსონაჟების მახასიათებელი სიტყვები) ·        როგორ ასრულებენ წერით დავალებას რაფთ ფორმატით _ „წერილი მოთხრობის საყვარელ პერსონაჟს“(რამდენად  აფასებენ პერსონაჟს, შემოქმედებითად გადმოსცემენ საკუთარ აზრს). სასწავლო მასალა და ტექნიკური რესურსები ფურცლები წერილებისთვის, დაფა, ცარცი. პროგრამა PowerPoint_ით დამზადებული დამხმარე ელექტრონული წიგნი, კლასის მართვის პროგრამაში შექმნილი  ტესტი. უკაბელო ლოკალური ქსელი, როუტერი, ბუკები, პროგრამა „კლასის მართვა“. გაკვეთილის მსვლელობა/საკლასო მენეჯმენტი   წინა  დღით მოსწავლეებს ბუკებში კლასის მართვის პროგრამის ფაილის გადაგზავნის რეჟიმით გადავუგზავნი  დამხმარე ელექტრონულ წიგნს და დავალებას  ვორდის  ფაილით,  სადაც მოცემულია ტექსტი დაკარგული სიტყვებით, სიტყვების ვარიანტებით.  მივცემ    მითითებას, რომ  ყურადღებით გაეცნონ გადაგზავნილ ფაილს, მითითებული ინსტრუქციების შესაბამისად გამოიცნონ დაკარგული სიტყვები და  შეავსონ  ტექსტი. შესრულებული სამუშაო მოიტანონ შემდეგ გაკვეთილზე.  ამდენად, გაკვეთილი მიმდინარეობს „შებრუნებული  საკლასო ოთახის  მოდელით“. მოსწავლეებს გაკვეთილის გამოწვევისა და წვდომის ფაზები სახლში აქვთ გასავლელი.   სახლში მოსწავლეს საშუალება ეძლევა ელექტრონული წიგნი მრავალჯერ მოისმინოს და სამუშაო სწორად შეასრულოს. გამოწვევა:         წინა  გაკვეთილზემოსწავლე გამოთქვამს ვარაუდებს ტექსტის სათაურის მიხედვით და აფიქსირებს ფურცელზე. დაფაზე  დავწერ სიტყვას ჭორი, მოსწავლეები შეავსებენ  ასოციაციურ რუკას. წვდომა:  ელექტრონულ წიგნში მოსწავლე იწყებს მოთხრობის ტექსტის წაკითხვა-მოსმენას.  უკვირდება სიტყვებს, ამოიცნობს დაკარგული სიტყვების სწორ ვერსიებს და აფიქსირებს ტექსტში. რეფლქსია: წაკითხვის შემდეგ მოსწავლე პასუხობს კითხვებს. მომდევნო დღეს რეფლექსიის ფაზა გრძელდება საკლასო ოთახში ერთ გაკვეთილზე წარმოდგენილი მრავალფეროვანი აქტივობებით. აქტივობა 1 „დაკარგული სიტყვების“ განხილვა: (5  წთ.)  მოსწავლეები განიხილავენ დავალების დროს შესრულებულ, სიტყვების ვარიანტებს, გამოცნობილი სიტყვების რაოდენობას და მსჯელობენ,  თუ როგორ ამოიცნეს ეს სიტყვები, რა დაეხმარათ ამისათვის. აქტივობა 2. შემაჯამებელი კითხვები:(7 წთ)      მთელ კლასს დავუსვავ  ტექსტის ანალიზზე და შეფასებაზე ორიენტირებულ კითხვებს: ·         დაასახელეთ ზღაპრის მოქმედი გმირები? ·         რა  თქვა ვირმა? ·         რა  თქვა  მელამ? ·         რა თქვა გუგულმა? ·         როგორ მოიქცა კაჭკაჭი? ·         თქვენ თუ ისურვებდით ყოფნას რომელიმე პერსონაჟის ადგილზე და როგორ მოიქცეოდით? ·         როგორი განაჩენი გამოუტანა ლომმა კაჭკაჭს? ·         თქვენი აზრით რისი თქმა სურს ამ ზღაპრით ავტორს? ·         თქვენ თუ განგიკითხავთ სხვისი საქციელი? მასწავლებელი  განიხილავს მოსწავლეების მოტანილ საინტერესო ფაქტებს. აქტივობა 3. „ცნების რუკა“:  ( 10 წთ) მოსწავლეთა მცირე ჯგუფები ფლიპჩარტებზე შექმნიან   „ცნების რუკებს“ შემდეგი სიტყვების გამოყენებით:  კაჭკაჭი, გუგული, ვირი, მელა, ლომი. აქტივობა 4. რაფთ-ი: (7  წთ)  დავურიგებ   წებოვან ფურცლებს და ვთხოვ მოსწავლეებს შეასრულონ წერითი დავალება რაფთ ფორმატში, მათ უნდა მიწერონ წერილი ზღაპრის  რომელიმე პერსონაჟს,  წერილში ახსნან, თუ რატომ მოისურვეს მათთვის მიეწერათ წერილი. დასრულებულ წერილებს მოსწავლეები აკრავენ ცნების რუკებზე. მასწავლებელი აკითხებს ნაშრომებს. აქტივობა 5 . ტესტი. (13 წთ) მოსწავლეებს კლასის მართვის პროგრამით ეგზავნებათ  ტესტი,  მოსწავლეები ინდივიდულაურად  აკეთებენ  ტესტს,  აგზავნიან მასწავლებელთან  და იქვე იგებენ ტესტის შეფასებას. აქტივობა 6 . მოსწავლეთა  შეფასება  და საშინაო დავალების მიცემა(3 წთ) ელექტრონული წიგნის გეგმის მიხედვით დაწერონ ზღაპრის შინაარსი. ანუ სლაიდების სათაურების მიხედვით.                                                                           საშინაო დავალება                                         #1  ჩასვი წინადადებაში  გამოტოვებული სიტყვები: 1.ლომი კუნძზე აბრძანდა, დაამთქნარა.................( ქამარი, სათვალე, საათი)  მოიხსნა და ბრძანა. 2.მელასთანა კარგი... ........( ბეწვი, ხმა, კუდი) სხვას ვისა აქვს, ასეთი უკუდო ტყუილი რამ გათქმევინა? 3.ამ   საზიზღარმა  ფრინველმა ..................(ტყუილი, სიმართლე,  ცილი) დამწამა. 4.ვირი სოფელში ყროყინებს, მე ტყეში მესმის და ასეთი ................(მაგარი, მტკნარი, უფეხო) ტყუილი რამ გათქმევინაო. 5.ვიფიქრე ყველა ფრინველის ბუდეში..............(თითო,  ერთ, ორ)  კვერცხს ჩავდებ  დარწმუნდებიან რომ შავ კვერცხებს არ ვდებ და მასხრად აღარ ამიგდებენ მეთქი. 6.ამის შემდეგ ნადირები, ფრინველები და მწერები................... ( ლომთან, კაჭკაჭთან, ვირთან) აღარ მეგობრობენ.                დავალება #2 ·         მოიფიქრე   და დაწერე   შენ  რომ  იყო  ავტორი  რას  შეცვლიდი  ამ  ზღაპარში? ·         ასევე იფიქრე თითოეული  პერსონაჟის საქციელზე. ·         შეაფასე მათი საქციელი. ·         ხვალ  ქართულის გაკვეთილზე უნდა ვიმსჯელოთ  ყოველივე ამის შესახებ.

           გაკვეთილის ვიდეო

სამოდელო გაკვეთილის გეგმა  ქართულ ენაში

             პედაგოგი:ნინო ციცვიძე   (2014-2015 სასწავლო წელი)

                 ( შებრუნებული საკლასო ოთახი)

გაკვეთილის თემა	„რას გალობს შაშვი“ -იროდიონ ევდოშვილი
სწავლების საფეხური	მესამე  კლასი
მოსწავლეთა პროფილი	კლასში არის  18 მოსწავლე.   სსსმ მოსწავლე არ მყავს.
გაკვეთილის მიზნები და შედეგები	მიზანი :  გაკვეთილის მიზნები: მოსწავ    მოსწავლე შეძლებს ü  ელექტრონული წიგნის წაკითხვას. ü  ტექსტის გაგება-გააზრებას, შემოქმედებით და ლოგიკურ აზროვნებას. ü   დასკვნების გამოტანას. ü  გარკვეული  ხასიათის, მიზნისა და დანიშნულების წერილობითი  ტექსტების შეთხზვას. ü  იმუშაოს ტესტზე ბუკში. ესგ. სტანდარტი: ქართ. III. 12. მოსწავლეს შეუძლია მცირე ზომის ტექსტის დამოუკიდებლად შექმნა და აზრის გასაგებად ჩამოყალიბება.  ქართ. III. 10. მოსწავლეს შეუძლია კითხვის ზოგიერთი სტრატეგიის გამოყენება. ქართ. III. 7. მოსწავლეს შეუძლია ლიტერატურული ტექსტის მიმართ საკუთარი დამოკიდებულების გამოხატვა. შედეგი თვალსაჩინოა, თუ მოსწავლე: ·         გამოხატავს წაკითხული ტექსტით აღძრულ ემოციებს, განცდებს; ·         ასახელებს მულტფილმებს, სურათებს, ნახატებს, მოსმენილ და წაკითხულ ნაწარმოებებს, რომლებიც გაახსენდა ტექსტის კითხვის დროს; მსჯელობს მათ შორის მსგავსება-განსხვავებაზე; ·         ასახელებს ნაწარმოების გმირების მოქმედების მოტივს (რატომ მოიქცა ასე) და აფასებს მათს საქციელს; ქართ.
წინასწარი ცოდნა	მოსწავლეებს შეუძლიათ  კომპიუტერის ჩართვა-გამორთვა. კლავიატურის გამოყენება. სლაიდშოუს რეჟიმის მართვა. ტესტის წერა ბუკში. შეუძლიათ საკუთარი დამოკიდებულების გამოხატვა.
შეფასების საგანი და პროცედურები	მოსწავლეები დაკვირვების საფუძველზე შეფასდებიან  განმავითარებელი კომენტარებით.
სასწავლო მასალა და ტექნიკური რესურსები	ბუკები, პროგრამა Power  point- ით დამზადებული  ელექტრონული წიგნი, პროგრამა  Word-ით დამზადებული   ტესტი. უკაბელო ლოკალური ქსელი, როუტერი. დაფა, ცარცი. რვეულები, თაბახის ფურცლები.
გაკვეთილის მსვლელობა/საკლასო მენეჯმენტი.	წინა  დღით მოსწავლეებს ბუკებში კლასის მართვის პროგრამის ფაილის გადაგზავნის რეჟიმით გადავუგზავნი  დამხმარე ელექტრონულ წიგნს და დავალებას  ვორდის  ფაილით.შესრულებული სამუშაო  უნდა  მოიტანონ შემდეგ გაკვეთილზე.  ამდენად, გაკვეთილი მიმდინარეობს „შებრუნებული  საკლასო ოთახის  მოდელით“. მოსწავლეებს გაკვეთილის გამოწვევისა და წვდომის ფაზები სახლში აქვთ გასავლელი. სახლში მოსწავლეს საშუალება ეძლევა ელექტრონული წიგნი მრავალჯერ  წაიკითხოს და სამუშაო სწორად შეასრულოს. გამოწვევა:         წინა  გაკვეთილზემოსწავლე გამოთქვამს ვარაუდებს ტექსტის სათაურის მიხედვით და აფიქსირებს ფურცელზე. წვდომა:  ელექტრონულ წიგნში მოსწავლე იწყებს მოთხრობის ტექსტის წაკითხვას. კითხულობს რამდენჯერმე . ტექსტის აღქმაში ეხმარება  ელექტრონული წიგნი. იაზრებს ტექსტს, აფასებს პერსონაჟებს, გამოაქვს დასკვნები. აყალიბებს საკუთარ დამოკიდებულებას. ასრულებს საშინაო დავალებას. რეფლექსია(მეორე დღე)             აქტივობა#1 (7 წთ) მოსწავლეები ნაწილ-ნაწილ წაიკითხავენ ტექსტის ეპიზოდებს  ბუკში.         აქტივობა#2  (3 წთ)   მასწავლებელთან ერთად განიხილავენ  გაუგებარ სიტყვებს. ახსნიან  ამ სიტყვებს  მათეული ვერსიით. მოხდება სწორი  ვერსიის მიწოდება მასწავლებლის მიერ და ეს სიტყვები მოთავსდება სიტყვების სკივრში.          აქტივობა#3 (10 წთ)   მასწავლებლის მიერ მომზადებულ კითხვებზე  მოსწავლეები შეეცდებიან პასუხის გაცემას.       კითხვები:   1.დაასახელეთ მოთხრობის მთავარი გმირი?  2.რა ორი უბედურება ეწვია შაშვს?    3.რამ გამოასალმა სიცოცხლეს მისი ძმა?   4.რა გამოსავალი მონახა შაშვმა?   5. თქვენი აზრით, იყო თუ არა ეს გადაწყვეტილება  სწორი?   წელიწადის რომელ დროებზეა  მოთხრობაში საუბარი?     ხომ არ გახსენდებათ რაიმე მსგავსი შემთხვევა და როგორ მოიქეცით თქვენ მაშინ?   6. რას ნანობს  შაშვი?   7.რატომ არ მოსწონს მას გალიაში ყოფნა?   8.ხომ ვერ გაიხსენებდით რაიმეს, ჩვენს მიერ ნასწავლს, სადაც ასევე ტყვეობაზეა საუბარი?   (სულხან-საბა ორბელიანის  „საყვედური ტყვეობაზე უარესია“)  9. რატომ აირჩია მეფემ  ისევ ტყვეობაში ყოფნა?   10. გამოვიტანოთ დასკვნა  ორივე ნაწარმოებიდან.              აქტივობა #4( 2 წთ)  აფორიზმის შესწავლა. ა. წერეთლის  „სჯობს მონობაში გადიდკაცებულს თავისუფლების  ძებნაში  მკვდარი.“ აქტივობა სრულდება ჯგუფებში. ფლიპჩარტებზე             აქტივობა#5  „ცნების რუკა“(5 წთ) აქტივობა სრულდება ჯგუფებში. ფლიპჩარტებზე  ჯგუფები გააკეთებენ პრეზენტაციას : „ შაშვი“.            აქტივობა #6 რაფთ-ი( 8 წთ) ჯგუფები მიწერენ წერილს  ონავარ ბიჭებს  და შაშვს. რომელიც ფლიპჩარტზე გაიკვრება.            აქტივობა#7( 8 წთ)   კლასის მართვის პროგრამით ბუკებში გადაეგზავნებათ  ტესტი. ტესტი სრულდება ჯგუფებში.                აქტივობა #8 (2წთ) ჯგუფების  შეფასება  და საშინაო დავალების  მიცემა: 1.      მეორე გაკვეთილისთვის  მოთხრობა ისწავლონ  თხრობით. 2.      საშინაო დავალების რვეულებში  კი შეეცადონ გააგრძელონ  მოთხრობა.
გაკვეთილის მნიშვნელობა, აქტუალურობა.	გაკვეთილი აქტუალურია იმ მხრივ,  რომ  ტრადიციული სწავლების შემთხვევაში მასწავლებელი აკავშირებს მოსწავლეს ცოდნასთან, შ.ს.ო-ის შემთხვევაში კი მოსწავლე თავად იღებს ცოდნას, მასწავლებელი  ფასილიტატორის ფუნქციით იფარგლება. შ.ს.ო-ის შემთხვევაში ხდება ტექნოლოგიების მიზანმიმართული გამოყენება ისე, რომ მოსწავლე და მასწავლებელი მაქსიმალურად იყენებენ თავის დროსა და ძალისხმევას. ამ მოდელის დროს მოსწავლეები სახლში ახორციელებენ იმ სამუშაოებს, რომლებიც ტრადიციულის შემთხვევაში კლასში  ხდება, ხოლო კლასში აკეთებენ იმ დავალებებს, რომლებიც ტრადიციულის დროს სახლში ხორციელდება.  ე.ი.  სახლში ეცნობიან ახალ მასალას, ხოლო კლასში ახდენენ მის გამტკიცებას

                                       მოსწავლეთა შეფასების  რუბრიკა

კრიტერიუმები	საშუალოზე დაბალი	საშუალო	კარგი
კითხულობს  ელ. წიგნში, პასუხობს მასწავლებლის მიერ დასმულ შეკითხვებს. გამოაქვს დასკვნები.
ჯგუფთან ერთად მუშაობს ცნების რუკაზე
ჯგუფის წევრებთან  ერთად   წერს წერილს პერსონაჟს
მუშაობს ტესტზე ბუკში

              მოსწავლის თვითშეფასების რუბრიკა

კრიტერიუმები	საშუალოზე დაბალი	საშუალო	კარგი
ტექსტს  ვკითხულობდი გამართულად, ვპასუხობდი მასწავლებლის მიერ დასმულ შეკითხვებს, გამომქონდა შესაბამისი დასკვნები.
ჯგუფის წევრებთან ერთად ვმუშაობდი  ცნების რუკაზე
ჯგუფის წევრებთან  ერთად მივწერე  წერილი პერსონაჟს
ვიმუშავე  ბუკში ტესტზე

 

              ჩემი თვითშეფასების რუბრიკა

კრიტერიუმები	დიახ	არა
გაკვეთილი გეგმის მიხედვით  წარვმართე
აქტივობები  გაწერილ დროში  შევასრულეთ
მოვახერხე ყველა ბავშვის ჩართვა.
მოვაღწიე დასახულ მიზანს

             ელექტრონული წიგნი
           
             

                                                      გაკვეთილის ფოტომასალა

                                         გაკვეთილის ვიდეო